السيد الصغير يكتب : ” إيهاب العنيد” جاب صفقات على “اد الايد ” والجاهز منها ” غير مفيد” واللجنة الفنية معانا فى “الاسماعيلية” ولا مقضينها ” تمثيلية”

بقلم ا.السيد الصغير
ايهاب العنيد قال الفريق محتاج تجديد جاب صفقات على اد الايد ولكن الجاهز منها غير مفيد والمصاب حتى ولو اتعالج مش هيفدنا اكيد ونقول كمان علشان الكل يستفيد

مجلس الادارة * توفير الفلوس علشان الحجة بتاعت المتعوس ولا احنا حظنا فى المجالس دايما منحوس

كابتن ايهاب * هو مشروعك ايه بالضبط علشان انا شايف مشروع تربية بط وايريك علينا حط

اللجنة الفنية * مش شايف ادنى مسؤولية هو انتم معانا فى الاسماعيلية ولا مقضينها تمثيلية

احمد عادل عبد المنعم * طيب ما فيش فى مرة تصد ضربة جزاء ده الشبر ونصه قبل منك عملها بالحذاء

محمد عمار * البركة فى الشباب ولكن عليك شوية عتاب

حمدى النقاز * مش كفاية بتلعب اجبارى حلل فلوسك يا راجل يا ضلالى

هشام محمد * نصحنا كتير واحسن حاجة التغيير علشان التوفير

عمر الساعى * يعنى السمسار لعب بعقلك قمار مستواك شكله طار

محمد عبد السميع * حلوة منك ورجل مباراة كمان اركز كده شوية ونعزفلك على الكمان

نادر فرج * خرج ولم يعد من مباراة السيراميك مالك بينا يا سوء التوفيق

إيرك تراورى * انتى جاية اشتغلى ايه بواب ولا مكتوب علينا نجهز وكله بالصواب

عبد الرحمن مجدي * هو انت كل سنة بمشاكل الفلوس ولا همك النادى و عاوز علينا تدوس

محمد حسن * قولنا دبابة ودبابة طيب هى فين الزيادة محتاجينك هجوم هبابة

عصام صبحي * مش عارف انا ظلمك ولا انت تستاهل انت عاوز جيم يكون فيه الخصم ساهل والى لقاء اخر وبدون زعل