أخبار عاجلة
الرئيسية / أخبار مميزة / بعد خراب مالطه : لجنة الوهم تستقيل ومحمد جمال عضو لجنة تعاقدات الاسماعيلى : أحنا اللى بوظنا النادى

بعد خراب مالطه : لجنة الوهم تستقيل ومحمد جمال عضو لجنة تعاقدات الاسماعيلى : أحنا اللى بوظنا النادى

 

1891112_10151930124721766_362044822_n

 

بعد خراب مالطه وبعد اللطمات المتتالية التى نالها فريق الكرة وايا كان الاخفاق فقد استقال اهضاء لجنة التعاقدات حيث قال الدكتور محمد جمال عضو اللجنة على صفحته بموقع التواصل الاجتماعى الفيس بوك

استقلنا كلنا اهو و ريحناكم
احنا اللي بوظنا النادي… ماشي مع اننا طاوعنا المدير الفني ف كل اختياراته و عملنا احنا وهو فرقه محترمه كان اساسها خبرات حسني و مهاره شيكابالا و حسن توظيف باقي اللاعيبه و اتعاقدنا مع لاعيبه كلهم فري لان ماديا انت معكش غير انك تديهم مقدمات عقود.. جبنا مروان محسن و بناهيني و عماد حمدي و وتوريك جيبرين اللي لو فكر اي حد يجي بعدنا يبيعهم هيجبوله حوالي من20-25 مليون قادرين يساعدوه يبنوا فرقه
زي ما جبنا ف يوم لاعيبه مكنتش ع مستوى النادي
الحمدلله مستفدناش بجنيه ورا النادي و قولنا تعبنا و عرقنا بالعكس صرفنا من جيبنا و مستنناش اي مقابل
ف الحلوه مأخدناش حقنا و ااناس شكرت ف غيرنا وف الوحشه كنا احنا اللي بنشيل
ربنا وحده يعلم حبنا و اخلاصنا للنادي و ازاي النادي جه على شغلنا و حياتنا و مكناش ابدا متمسكيين بالمكان ولا حابيين نكمل
برجع اقول الجمهور ملهوش دعوه بالمعطيات و الظروف و صرفنا ايه و جبنا ايه، الجمهور ليه النتايج و للاسف النتايج اسوء من اسوء توقع كان ممكن حد يتخيله و نفس المحلليين اللي كانت ف وجود ميدو و حسني و شيكابالا بترشحنا اننا ننافس هما هما اللي قالو ان الأسماعيلي فاضي
مجمل احنا مش زي غيرنا كنا بناخد فلوس من ورا الصفقات و نقول عرقنا ‘ حقنا و موفرين للنادي كذا و مدخلين للنادي كذا
احنا ربنا موفقناش و النادي اتدهور بس مصلحة النادي فوق بقائنا و فوق اي شخص
مش هقول مؤامرات و غيره بس فعلا فيه ناس بتتمنى الهزيمه للنادي عشان بتكره أشخاص موجوده و مسئوله
و مين ينسى يوم ما خسرنا الماتش الفاصل بجول فلافيو.. لما شخصيه اسمعلاويه بارزه قالت بسخريه و فرحه “لفظ اعتراضي” .. انتوا كنتوا عايزين الفااح”ع نصر أبوالحسن “يرفع الدوري
احنا منجحناش و ربنا مكرمناش و ظهرنا ف الاخر بصوره اننا مكناش قد المسئولية بس اقسم بالله احنا اسوء بلد ف الدنيا، اسماعيليه بلد محدش فيها بيحب الخير لحد و كله بيقول يلا نفسي و نفوسنا” وسخه” و سوده
و بصوا لاسباب فشل كل الادارات هتلاقوا مع اختلاف المسببات ولكن النفوس السوده هي اللي بتخلق المشاكل والصراعات
ربنا يوفق النادي… مقدمناش غير ان كله يقف جنب النادي ف محنته دي
و ياريت نقرا حاجه عن كفاح جمهور بروسيا دورتموند مع فرقته لما كامت بتفلس و معرضه للهبوط
وانا عن نفسي عندي استعداد امشي بكيس ف الشارع الم فلوس للنادي لو قررتوا تعملوا زيهم

Powered by themekiller.com anime4online.com animextoon.com apk4phone.com