أخبار عاجلة
الرئيسية / أخبار الناشئين / وليد شعيب يعترف : هناك تقصير مع مدربى قطاع الناشئين لكننا نجحنا فى القضاء على المحسوبية وده سبب الهجوم على القماش

وليد شعيب يعترف : هناك تقصير مع مدربى قطاع الناشئين لكننا نجحنا فى القضاء على المحسوبية وده سبب الهجوم على القماش

حرص وايد شعيب المشرف العام على قطاع الناشئين بالنادي الأسماعيلى على الحديث تما يجدثعخلال الفترة الأخيرة ومايتشر على صفحات التواصل الاجتماعي فيس بوك قال شعيب : قطاع الناشئين بالنادى الاسماعيلى .
بعض من الناس بتهاجم القطاع بدون اى سبب و انا أرى ان ده مش نقد بناء ابدا .. بالعكس انا شايف ان ده هدم للقطاع و لنفسية مدربين القطاع .. النادى يملك رئيس قطاع بقيمه كبيره كونه احد كباتن النادى و هنا اقصد الكابتن خالد القماش .. و النادى يملك مدربين محترمين أصحاب مستوى فني قوى على مستوى كل الفرق
بلاش نقلل من أولادنا و ابناء النادى .

١ . فى البدايه لازم نعترف ان فى تقصير مع مدربين القطاع من حيث تأخر الرواتب او تحملهم التدريب على ملاعب قليله او المشاكل التى تقابل الفرق خصوصا فى يوم المباريات .. و بنعمل و سنظل نعمل على تلافى تلك المشاكل فى المستقبل و اشكر مدربي القطاع على تحملهم تلك الظروف و بنعتذر عنها . وبالنسبه للإنتاج
الحمد لله القطاع قدر يمد الفريق الاول بعد مرور سنه بكل من إياد العسقلانى و عمرو الساعى و الاثنين اصبحا من الاعمدة الرئسيه فى الفريق الاول حاليا و هما من فريق 2003 .. و فى الطريق ان شاءالله كل من عبدالله محمد و عبدالله سعيد و محسن الحجف و وجدى و احمد عبد السميع و محم. ايهاب و اخرين

التطوير
1 .علي صعيد تطوير القطاع إحنا معترفين إن الأزمة المالية اللي بيمر بيها النادي حاليا مؤثرة علي كل الخطط والأهداف اللي حاطينها

احنا اتعاقدنا مجانا مع شركة kick id الالمانية اللي بتشتغل مع اندية كبيرة خارج مصر لتقييم اللاعبين و وضع خطط تدريب وتطوير سواء للاعبين او المدربين , واتعاقدنا كمان مع foot genix مجانا وهو مركز تدريب متطور في القاهرة علشان نطور كل أولادنا بأحدث الاساليب , مع اعترافنا اننا لسه مبدأناش خطة التطوير بشكل كامل .

2 .ملابس القطاع
اخر مره تم تلبيس القطاع كان من حوالى 13 سنه
حينما تعاقد النادى مع شركه بوردا

هذا الموسم تم تسليم كل لاعبى القطاع شنطه بها كل ما يحتاجه اللاعبين من أغراض لبس مباريات و لبس تمرين و لبس خروج و ترنجات شتويه كذلك الاجهزه الفنيه للقطاع لبس تمرين و لبس مباريات و ترنجات

3 .نتائج القطاع فى البدايه ببارك لفريق 2005 فوز اليوم ..و فوز 2008 امس .. و فوز 2007 اول امس و فوز 2003 اول اول امس ونبدأ بفريق 2008 أصغر فريق بالنادى بقياده كابتن احمد على مشارك بدورى الجمهوريه لعب اربع مباريات جمع 9 بنط من 3 فوز و هزيمه واحده و بينه و بين الاول 3 بنط وفريق 2007 بقياده الكابتن اسلام كاظم لعب اربع مباريات جمع 6 نقط ومن فوزين و خسارتين و بدأ الفريق فى الصعود فى المستوى وفريق 2006 بقياده كابتن احمد فوزى لعب الفريق مبارتين بالدوري جمع 4 نقط فاز بمباره و تعادل مباره و من الانديه المتقدمه بالجدول فريق 2005 بقياده المجتهد محمد حسيب  الفريق ده من أفضل فرق النادى لكن واجهته سوء حظ فى امور كتير بجانب القرعه الصعبه التى بداء بها الدورى لعب 6 مباريات جمع 7 بنط من فوزين و تعادل و 3 هزائم و يعتبر بنص الجدول

لكن ارى ان هذا الفريق سيتحسن ترتيبه كثيرا مع الوقت

فريق 2003 و ده الفريق العريس بالقطاع
لعب اربع مباريات فاز بثلاثه و تعادل واحده و جمع 10 بنط و الحمد لله يتصدر جدول دورى الجمهوريه بقياده المحترمين كابتن ايمن خليل و كابتن على جمعه
مع العلم ان هذا الفريق يلعب مبارياته بدون اهم عناصره سواء الساعى او إياد العسقلانى فريق 2001 بقياده كابتن احمد فكرى الصغير . لعب 3 مباريات جمع 2 بنط

تعادلين و هزيمه
هذا الفريق يضم مجموعه هايله من اللاعبين و ان شاءالله القادم افضل ليهم
فى النهايه أرى ان القطاع تحسن كثيرا خلال الفتره السابقه و المعارف و المحسوبيه قلت بشكل كبير
و ده السبب فى الهجوم على مدير القطاع الذى أكرر انه راجل محترم و محب للنادى جدا جدا

Powered by themekiller.com anime4online.com animextoon.com apk4phone.com