أخبار عاجلة
الرئيسية / أخبار مميزة / محمد شيحة يكتب : حمزة الجمل ناجح – صنع من ” الفسيخ شربات” و الفريق لا يلعب فيه لاعب واحد من الصفقات الفالصو

محمد شيحة يكتب : حمزة الجمل ناجح – صنع من ” الفسيخ شربات” و الفريق لا يلعب فيه لاعب واحد من الصفقات الفالصو

حمزة الجمل تولي قيادة الاسماعيلي و هو في المركز الاخير بعد ١٦ مباراة حصد منها ١١ نقطة كان نصيب المباريات الخمسة الاولي منها نقطة واحدة فقط لعب حمزة الجمل حتي الان خمسة مباريات خسر من الزمالك بطل الدوري بفارق هدف ومن خطأ شخصي و حصد ٨ نقاط في اربعة مباريات من فرق اقوي من الاسماعيلي الحالي بمراحل…  حمزة الجمل تولي القيادة و الفريق لا يلعب فيه لاعب واحد من الصفقات ال ١٢ التي ابرمها المجلس الحالي و نصف الصفقات التي جاءت عن طريق لجنة الكابتن علي ابوجريشة و من لعب منهم ربنا يعينه و يعيننا علي الصبر عليهم مع العلم ان اخر اتنين مدربين للنادي ايهاب جلال طلب قبل التجديد التعاقد مع لاعبين علي مستوي عال ضد او مش هجدد و لم يجدد و رحل لبيراميدز و قد سبقه فخر الدين بن يوسف و حسين السيد و لحق بهم محمد صادق و كان علي وشك الرحيل بناء علي طلب ايهاب جلال لبيراميدز بردوا شكري نجيب لولا انه رفض الانتظار ليناير و رحل الي فاركو ايهاب كانت الفرقة مش عجباه و فيهم الاربعةاللي ذكرتهم و ضيف عليهم محمد حسن و اري بابل و عبدالله جمعة و الزناري حتي مع تحفظي علي مستوي بعضهم لكن ايهاب جلال كان شايف ان النادي محتاج تدعيم كبير في وجود العناصر ال٨ اللي مش موجودين حاليا و كذلك كابتن طلعت يوسف اللي جه قاللي انا تحديدا الفريق فاضي و الموقف صعب و ضمت له اللجنة لاعبين بدون ذكر اسماء انتم حافظينهم احتراما لموقف الفريق و بردوا الاسماعيلي في وجودهم كان في المركز الاخير تعالي بقي لحمزة الجمل قاد الفريق اللي ايهاب جلال رفض يكمل معاه و ساب الاسماعيلي و طلب ايهاب التدعيم بعناصر علي العناصر اللي كانت موجوده و مشيت لبيراميدز و فاركو و سيراميك و اهديك أخري حد فاهم حاجة يقوم يجي واحد لطخ يقولك نتايج حمزة  اصل تشكيل حمزة  اصل تغييرات حمزة  طيب حضرتك حمزة بيلعب بالشامي و فوزي و عبدالرحمن مجدي و بيومي و عماد حمدي و عمر الوحش و معظمهم لا لعبوا مع ايهاب و لا مع كابتن طلعت مع احترامي لهم جميعًا اضف لذلك ان مدبولي و احمد مصطفي و هاشم كانوا بيلعبوا معاهم علي فترات و في ظل غيابات او ظروف معينة و باهر كان مصاب و رجع الموسم الحالي يعني حمزة عمل من الفسيخ شربات يا سادة و بالارقام و بالاسماء حمزة ناجح و كل الناس المحترمين شايفين كدة الا اصحاب الامراض النفسية و العقول العفنه و همسة اخيرة في اذن بعضهم بلاش خيانه و بلاش غدر لان الموقف مش مستحمل ده تدمير للنادي و الحمهور مش هيرحم حد و انا اولهم مش هسكت على الذين يطلبون ويزمرون ويتطاولون

Powered by themekiller.com anime4online.com animextoon.com apk4phone.com