عمرو زكي يكتب : مجلس الكومى ” لقد نفذ رصيدكم ” وموعدنا في الجمعيه العمومية ل “رفض الميزانية” و” اسقاطكم “

9

مجلس اداره الاسماعيلي لقد نفذ رصيدكم من أجل إنقاذ الكيان وبصفتى عضوا بالجمعية العمومية قبل ما اكون عضوا بمجلس الإدارة فى حقبة من الزمن كانت الافضل لقلعة الدراويش اطالبكم بتقديم استقالاتكم طواعيه لقد استنفذتكم كل الفرص دخلتم بالظلم واللي جاء بهذا  المجلس عارف نفسه وعارف أنه جاء بكم ازاى  لهدف واحد لاغير وهو أن يعلم الجميع الفارق الحقيقي بين مجلس كان مستقرا واخر لاحول ولا قوة إلا بالله والهدف الأهم ليعرف الجمهور  ويترحمون على تلك الأيام خصوصاً وبعد إنقلاب الجماهير عليهم .. وكفايه ال٦٠ ولا ال ٧٠ مليون اللي دابو .. وبالهنا والشفا .. وبصفتى عضوا بالجمعية العمومية لن اتقدم ببلاغ للنائب العام حاليا من أجل الكيان .. استقيلوا بهدوء كده واتركوا وزير الرياضه يعين مجلس اداره يمكن يلحقوا ينقذوا الاسماعيلي حرام عليكم الاسماعيلي لو هبط للدرجه التانيه مش حيطلع تاني ونادي القناه عبره لكم والمنصوره وغيره ..كفايه بقى بلاطه ١١ لاعب فستك محترفين اسما فقط المهم فرتكتوا ودوبدتم ال ٦٠ ولا ال ٧٠ مليون اتصلوا على الله بجد ماحدش طايقكم استقيل ياكومي وكفايه اهوه بقيت اسمك رئيس النادي ها وغسلها اسمنا وظبطنا وضعنا وكفايه عليك كده واتكل على الله واستقبل انت واعضاء المجلس .. هذا مجلس الشامتين والبراهين بتعيط على ايه ياحبيبي وجايب كاميرا تصورك وانت بتعيط  قديمه جمهور الاسماعيلى واعي وانتم انكشفتم تماما وعلى الهوا كل اموركم..  استقيلوا يرحمكم الله .وكفايه شلونجو رافع قضيه والكولومبي كارميلو بتاعك رافع قضيه واسعد الجزيري له ٧٠٠ الف دولار يعني حتمشي وتسيب النادي مديون ب ١٠٠ مليون على الاقل زي اللي دوبتهم انت والمجلس بتاعك .. موعدنا في الجمعيه العمومية لرفض الميزانيه واسقاط هذا المجلس وإنقاذ كيان الدراويش


التعليقات مغلقة.