أخبار عاجلة
الرئيسية / مقالات / سيد حسن يكتب : لهذه الاسباب نطالب إيهاب جلال بالرحيل !!

سيد حسن يكتب : لهذه الاسباب نطالب إيهاب جلال بالرحيل !!

ارحل يا ايهاب..لا تظهر قيمة الراى الصادق و المجرد من اى مصلحة فى وسط هذا الصخب و التخبط .

الحقيقة انا اتفق تماما مع الراى الذى يطالب برحيل ايهاب جلال عن تدريب المنتخب ، و يمكن عن الكرة المصرية باكملها ! و ان كنت امتلك اسبابا مختلفة تماما عن الباقين ؛ و الخص وجهة نظرى فى بعض الاسئلة السريعة التى ان استطاع احد الاجابة عليها نكون قد وصلنا الى جوهر المشكلة :

  • هل اطلع اعضاء الاتحاد الحالى على خطة عمل طويلة الاجل او حتى قصيرة الاجل قدمها ايهاب لتحقيق هوية للمنتخب المصرى او لتطوير ادائه ؟!
  • هل فهموا هذه الخطة او اقتنعوا بها ؟!
  • هل من المنطقي الحكم على كفاءة مدير فنى بعد ٦ حصص تدريبية و مباراتين ؟!! ده مرتضى منصور و يحيى الكومى و فرج عامر ماعملوهاش !!!!!!
  • هل يعلم مسئولى اتحاد الكره بما فيهم الكورجيه حازم امام ومحمد بركات ومعهم وزير الرياضه انه لايوجد لاعبين فى الكره المصريه تمتلك الاساسيات واصحاب قدرات بيسهل من مهمة المدرب لان بتقتصر مهمته على وضع اطار او شكل فنى معين والعمل على تطويره خاصة مدربيين المنتخبات اللى افكارهم الفنية مابتكنش معقدة بسبب قلة التجمعات مقارنة بمدربيين الأندية اللى بيقدروا يحطوا افكار اكثر تعقيدا وبيشتغلوا عليها مع لاعيبتهم بشكل يومى لأتقانها
    لكن الفكرة اننا بنفتقد حاليا ل لاعبيين يمتلكوا الاساسيات اللى المفروض انها من بديهيات اللعبة فأصبح دور المدرب انه مش يحط الفكرة ويشتغل عليها بل دوره تعليم اللاعب ازاى يقف او يرحل او ازاى حتى يستلم بوضعيات تشريحية معينة فاصبح اللاعبين دول محتاجين الى (ممرن) بجانب (كوتش) وفى فرق بين الاتنين
    كمان استنتجت ان غياب الجمهور ساهم بشكل كبير فى انهيار اللاعب المصرى تحت اى ضغوط جماهيرية واعتقد دا ساهم بشكل كبير فى انهيار الجودة لان الشخصية ليها عامل كبير فى جودة اللاعب لان اللاعب (قرار) والقرار نابع من شخصية اللاعب اللى تحت الضغط للاسف اصبحت مهزوزة

  • هل يعلم اعضاء الاتحاد ان سبعة من اندية الدورى الممتاز على اقل تقدير لا تملك ملاعب صالحة لاستضافة مبارياتها ؟ و كم من اندية الدورى الممتاز ب ينطبق عليها نفس الموضوع ؟ طيب عملوا حاجة فى الموضوع ده ؟

  • هل فعلوا شيئا لاعادة الجماهير الى المدرجات و هى عصب اللعبة ؟
  • ماذا فعلوا بعد غياب الانديه الجماهيريه وسقوطها الى الهاويه فى الدرجات الادنى وصعود انديه شركات وادويه وسجائر وبنوك الى الدورى الممتاز وبالتالى انحدرت القيمه التسويقيه للدورى الممتاز بسبب غياب الانديه الشعبيه وجماهيرها
  • هل فعلوا شيئا للحد من ظاهرة تزوير الاعمار فى قطاعات الناشئين ؟ و هى الكارثة الحقيقية التى ادت الى المستوى المتدني لجودة اللاعب المصرى حاليا .
  • هل كان هناك اى خطة للاستفادة من المنتخب الاوليمبي الذى كان يملك عناصرا مبشرة نوعا ما اذا تم الحفاظ على قوامه ؟
  • هل كان هناك اى عمل على تطوير حقيقى لكوادر من المدربين المصريين الواعدين عن طريق الاتحاد ؟
  • هل تم التعاقد مع كريستال عصفور او خان الخليلي علشان هدية صلاح الجاية تبقى عليها القيمة شوية ؟؟!!

الاهم من كل ما سبق ، مش قادر استوعب كم الهجوم على ايهاب من جميع الاتجاهات و من اغلب فئات اللعبة حتى من قبل ما يشتغل ! كل ده لانه لا ينتمى للاهلى او الزمالك ؟!! و لا علشان محترم و ماعندهوش مشاكل مع حد ؟! و لا ايه السبب بالظبط الا اذا كنا فعلا فى مجتمع و زمن لا يقدر قيمة المحترمين ؟!
اكيد يا بوب كم الناس دى كلها هى اللى صح و انت اللى غلط !!!!!!
الشىء اللى مش قادر استوعبه و لا اصدقه هو كم الشماتة و السخرية من ناس عاشرت هذا الرجل فى الملعب و خارجه و تعلم جيدا مدى كفاءته و اخلاقه و اعتزازه بنفسه و مع ذلك فرحوا فيه مع انه ماعملهمش حاجة وحشة و دى اصعب كتير من الهجوم من الناس اللى ماتعرفهوش .

اخيرا ، هى الرجولة راحت فين ؟؟!! بصرف النظر عن القناعات الفنية او غيرها ، بتعلنوا اقالة الراجل بعد ما ركب الطيارة ؟؟؟!!!

ارحل يا ايهاب ، مكانك مش مع الناس دى بالتاكيد

Powered by themekiller.com anime4online.com animextoon.com apk4phone.com