حسين فتحى يكتب : ساتقدم ببلاغ للنيابة العامة ضد “مدربين” بقطاع ناشئين الشرقية “غير مؤهلين” ويتقاضون رواتب دون” وجه حق”

6

وجه الكابتن حسين فتحى الصحفى الشرقاوى المعروف رسالة عاجلة عبر صفحته الرسمية بموقع التواصل الاجتماعي فيس بوك إلى من يهمه أمر نادى الشرقية وخلالها كشف العديد من الحقائق التي لا يعلمها الكثيرون وقال
الأشخاص التى دخلت قطاع الناشئين فى النادى الفترة اللى فاتت وكان حلمهم يمروا من جنب السور أو يتصوروا جنب اليافطة وفجأة لقوا نفسهم بيشتغلوا فى القطاع عن طريق ناس معدومة الضمير من غير مؤهلات دراسية ولا شهادات تدريبية ولا كارنيه نقابة وبيقبضوا من النادى بطرق إحتيالية عن طريق بعض ضعاف النفوس اللى بيعملوا كشوف بأسماء أشخاص ويحطوا جنبهم أرقام ويقبضوهم أرقام أقل والباقى يتوزع على الألاضيش اللى مالهمش ورق ولا أسماؤهم بتتحط فى الكشوف !!
وعشان القطاع ينضف من الأشكال الضالة اللى دخلته غلط أحب أعرف الجميع إنى هعمل بلاغ فى النيابة العامة بإسمى وبصفتى عضو جمعية عمومية ضد بعض الأسماء اللى اشتغلت فى قطاع الناشئين وخدت فلوس بدون وجه حق ومن غير ما يكون لها قرار تعيين أو أى أوراق فى النادى وربنا يقوينى إن شاء الله والرسالة وصلت بالسلامة .

التعليقات مغلقة.