رضا سيكا يرد على بيومى : انت محلل حافظ مش فاهم ،،تاريخك معروف وفشلت مع مجلس الكومى وعبد الغنى !!

10

رد رضا سيكا نجم النادى الاسماعيلى في عصره الذهبي على ماقاله المحلل الكروى الاعلامى خالد بيومي عبر صفحته على موقع التواصل الاجتماعي “فيس بوك” دفاعاً عن ناديه وومحلس إدارته وقال

” اللى طالع يتكلم بأسم جمهور الاسماعيلى بصفته عضو جمعية عمومية متنساش انك عضو جمعية عمومية بالبدل واسمك اتحط مكان واحد متوفى ومن بعدها بقيت عضو مجلس ادارة وبلاش اكمل ومتنساش كمان انك محلل عن طريق عدنان حمد في دوري ضعيف ومحلل حافظ مش فاهم زيك زي الشيخ طه اسماعيل حافظ كلمتين بتقولهم في كل استوديو من يوم مكنت في استوديوهات artومن يوم مشوفتك في استوديوهات ابو ظبي غسلت يدي من هذه القنوات واللى كنت بتابعها بشغف منذ أيام الأستاذ محمد نجيب وبرنامجه الناجح “خط السته” واللى سار على نهجه الكثير من قنوات المنطقه ولكن للأسف هذه القنوات الرياضية بانحدار الان مدخلتش ليه بصدرك فى انتخابات مجلس ادارة الاسماعيلى قدام ابراهيم عثمان من 3 سنين ورجعت لورا عشان تاريخك معروف..ياريت بلاش هرتلة فى الكلام عشان انت تاريخك معروف وكنت موجود مع مجلس صلاح عبدالغنى والكومى وفشلت وهتفشل فى اى وقت !

الفرق بين رأيك والدليفرى .. ان الدليفرى بنطلبه
وللحديث باقية

التعليقات مغلقة.