أخبار عاجلة
الرئيسية / اخبار المحافظات / اخبار الاسماعيلية / خالد الكردى يكتب : “شيزوفرنيا “جماهير الدراويش تطالب بالابقاء على محمد وهبة

خالد الكردى يكتب : “شيزوفرنيا “جماهير الدراويش تطالب بالابقاء على محمد وهبة

 

شيزوفرنيا جماهير الدراويش تطالب مجلس اداره الدراويش بالابقاء على محمد وهبه مدير فني للدراويش وطالعين يتغنوا بالأداء وانه عمل من الفسيخ شربات وانه لازم يكمل المشوار عشان هو ابن النادي واكتر واحد هيخاف عليه ومفيش وقت للتجارب مع مدير فني جديد واللي نعرفه احسن من اللي منعرفوش لغايه هنا كلام جميل،،، كلام واقعي،،  كلام عين العقل ولكن اعلموا جيدا انكم اصبحتم جمهور يتعامل بالقطعه لا يصبر طموحاتكم اكبر بكتير من الواقع الحالي السؤال هنا بقا
وهبه أصبح مدير فني للاسماعيلي هتساندوه مسانده حقيقيه حتى لو الفريق خسر على يده مباريات وده طبعا وارد وبشده في ظل قوه الفرق ونقف جنبه حتى يشعر بالأمان من جانب جماهير النادي ولا قدر الله لو خسر يطلع علينا شويه نقاد معندهمش اي فكره تطالب برحيل وهبه احب اعرفكم الاسماعيلي بعيد تماما عن أي منافسه في الدوري ولكن عندنا فرصه كبيره نبني فريق محترم بوجود لعيبه فيها ريحه الدراويش ومعاهم مدير فني محترم بيحب ناديه وهيضحي عشان يسعد اهل بلده ويشتغل بضمير وحقاني في الملعب اللي هيتعب معاه هيلاقي بالتوفيق لمجلس اداره الاسماعيلي في اختيار الأنسب وبالتوفيق للكابتن وهبه عاشق الدراويش

Powered by themekiller.com anime4online.com animextoon.com apk4phone.com