عبدة العكرمى يكتب : ذكريات الماضى وحكايتى مع اصدقاء الطفولة

26

 

 

 

عكرمى

المشهد الاول الاثنين 5 يونيو 1967 يمر امامى الان كشريط كأنه حدث بالامس وكان هذا اليوم  فى الاجازه الصيفيه الى  بدات وقتها  من يوم الخميس الاول من يونيو وفى الساعه العاشره صباح هذا اليوم كنا مجموعه  اصدقاء بتلعب بلى ومجموعه نلعب ( نقى المشمش ) وشفنا طيران كثيف ولمحنا “طائره اسرائيليه “مشتعله وعرفنا انها وقعت خلف نادى القناة  ووقتها كان جبلا  وجرينا وشفنا الطياره وهى على الارض 
المشهد التانى رحت جبت صفيحه جبنه بيضاء فاضيه من عند عم عبد الوارث البقال وغسلتها وملأتها ماء وجبت ربع لوح تلج بتعريفه من مصروفى وحطيته فى الصفيحه واعطيته لجنود كانوا واقفين بدبابه قدام جراج فورد لان الجو كان شديد الحراره
المشهد الثالث مع بعض الاطفال ولاد شارعنا واصدقاء الطفوله اشترينا كيس زهره غسيل الزرقاء وحطناه فى الماء علشان ندهن الشبابيك لحجب الضوء ودهان فوانيس العربيات القليله اللى كانت فى المنطقه وكنا بالليل بنروح ننام فى ( الجربين) مع كل المنطقه فى بيت سهمود فى ش القليوبيه /

التعليقات مغلقة.