محمد الجبالى يكتب : ثروت سويلم والحصانه البرلمانيه ..وعزبة الجبلايه ..ولماذا لا يستقيل ؟

15

مصر بلد العجايب 

ثروت سويلم والحصانه البرلمانيه .. وعزبة الجبلايه .. ولماذا لا يستقيل ..؟ 

لواء شرطه في وزارة الداخليه وحصل علي اجازه .. يقال ان معاه دكتوراه بس مش عارف فيه ايه وازاي وخدها امتي … نائب في البرلمان .. دخل البرلمان من بوابه استغلال كل امكانات اتحاد الكره والكل عارف انه خد اعضاء الاتحاد ولاعبي المنتخب بالامر المباشر لمساعدته في الدعايه الانتخابيه ونجحوه .
موظف في اتحاد الكره بحوالي ٦٠ الف جنيه شهريا.. معين مالا يقل عن ٢٠ واحد من بلده في اتحاد الكره سيارتين واتوبيس ملك الاتحاد تحت تصرفه ..
بنزين تحركاته الشخصيه وغير الشخصيه علي حساب الاتحاد .. يقال انه كاسر عين جميع أعضاء اتحاد الكره علشان كده بيعمل اللي هو عايزه داخل الاتحاد ..
ملابس المنتخبات اتوزعت علي دائرته الانتخابيه في بلده وسواقين التوك توك ( ارجعوا للمخازن علشان تتأكدوا ) ..
ملك تسريب المستندات الخاصه بالاتحاد للاعلاميين حبايبه …… وحاجات تاني كتير مينفعش تتكتب لأني مش هالاقي ألفاظ مهذبه تعبر عنها ولازم يتحقق فيها ……
ومازال متمسك بالتواجد ويرفض الاستقاله رغم أن وجوده في اتحاد الكره بعد رحيل اتحاد البيزنس مرفوض جماهيريا …!
يعني هو كده هايعرف يشرع القوانين في البرلمان والا يهدد الناس بالحصانه زي غيره … والا هايعرف يقبض راتبه كل شهر من الاتحاد … والا هايعرف الكوره مدوره والا مربعه … والا هايستخدم سلطاته وعلاقاته بالداخليه – حتي لو حصل علي اجازه رسميه – لتسيير أمور الاتحاد وأعضاءه ….
وعايزين تنضفوا الوسط الرياضي ازاي …؟؟؟
ملحوظه :  علي فكره علشان تريح نفسك أنا مبخفش غير من اللي خالقني ..!! سمعة بلدي أهم منكم

التعليقات مغلقة.