محمد شيحة يكتب : لانملك اصول وصناعة كرة القدم ولاتنتظروا من ” روى فيتوريا ” الوصول كأس العالم
– عندنا لاعبين غير مؤسسين و بيلعبوا في فرقهم عن طريق السوشيال ميديا
– عمر مرموش لاعب واعد وعلشان الولد مش ابن الاهلي و الزمالك هاجموه
– انزلوا بسقف الطموح و الخيال لارض الواقع
– احنا معندناش لاعيبه تعرف اساسيات الكرة و دا اللى قاله فيريرا و كيروش و اللى لمح بيه كوب
- الكرة المصرية تحتاج وقفة جادة.. وقفة مع النفس.. وقفة مع الواقع الذي نحياه.. ولكن .. شكرا كابتن حازم امام علي مجهودك و لكن بشكل عام مش عاوز حد يتنظر كأس العالم من روي فيتوريا لاننا ببساطة لا نملك اقل قواعد و اصول صناعة كرة القدم يعني مثلا جمهورنا العظيم اللي كان بيشتم العبقري هيكتور كوبر و شايف اننا لازم نلعب كرة هجومية برازيلية و كمان اداء حلو و بهدلنا الرجل المحترم و مشي كوبر بعد نجاحه في الوصول الي كاس العالم و نهائي افريقيا بعد غياب و بعدها تعاقدنا مع اجيرى علشان هو ده اللي هيلاعبنا الكرة الحلوه لقيت نفسك مش عارف تلعب كرة اصلا و مافيش اساسا لاعيبة بتؤدي و الفريق واقف غلط في الملعب من الاساس قوم ايه صانع القرار قال خلاص هنجيب برتغالي هما دول اللي ماشيين معانا و الرجل مساعد السير الكس و اكيد عنده حل لقينا انه بيتقال عليه نفس اللى اتقال على كوبر العيب مش فى المدرب لاء العيب عندنا احنا عندنا لاعيبه غير مؤسسين و بيلعبوا في فرقهم عن طريق السوشيال ميديا و اخرهم يفرحوا بالمكسب ضد البنك الاهلى و سيراميكا و ايسترن كومباني و غزل المحلة و للاسف الاختيار بيكون من بينهم أو بفيديوهات قصيرة لمهاراتهم ضد مدافعي الدوري بتاعنا يعني دا مستواهم و اخرهم كدة و لا يكلف الله نفسآ الا وسعها واحد هيقول عندنا محترفين عندك ثلاثة اربعة منهم فشلوا في انجلترا و اخرهم الدوري التركي فى فرق متوسطه مع كامل الاحترام و التقدير للدوري التركي و عندك لاعب واعد زي عمر مرموش سجل فى الدورى الالمانى ٣ اهداف فى موسم كامل والمفروض انه جاي في المنطقة الهجومية والولد اتشرح يا عيني لانه مش ابن الاهلي و الزمالك ، عندك مصطفى محمد بيلعب علي سطر و يسيب سطر فى تركيا و احمد حمدى تقريباً فى كندا اخباره معدومة انا بتكلم علشان نقف علي المشكلة احنا للاسف مافيش فرق بيننا و بين اثيوبيا و غينيا مستوانا واحد و عادى ماتش غينيا ممكن كنا نخسر فى اى لحظه و مش هتكون مفاجأه لأي حد تابع المباراة ارجو من الجميع النزول بسقف الطموح و الخيال لارض الواقع شويه احنا فعليآ معندناش لاعيبه تعرف اساسيات الكرة و دا اللى قاله فيريرا و كيروش و اللى لمح بيه كوبر و قالهم بالبلدى من الاخر احنا عندنا نقص في مراكز حيوية زي الظهير الحر و الايسر و الايمن و صانع الالعاب و رأس الحربة الصريح احنا شعب عاطفي ممكن نفرح بترقيصه أو كوبرى او تاكلينج أو جول لـلهداف الخطير و الشبكه فاضيه اساسا لكن فى المباريات الحاسمة مع المنتخب هيظهر الفارق بيننا و بين الاخرين وفي الاخر كل العيب يرجع للمدرب و من وقت ما اختفى الكشافين و الغيت الدورات الرمضانية اللى فى الشوارع و اصبح اى تاجر يعمل اكاديميه يلم فيها أولاد الذوات و اصبحت تجاره قذرة مش صناعه هنفضل دايمٱ عند نفس النقطة دي لو لم نغير انفسنا بأقصي سرعة لنساعد روي فيتوريا في مهامه المستحيلة والتي اولها ان نجوم مصر صلاح و حجازي و النني و تريزيجيه مواليد ٩١ و ٩٢ يعني كاس العالم القادم هيكونوا في عمر ٣٥ تقريبا
التعليقات مغلقة.