فهد شاكر يكتب : كورونا الجهل !!! ” سلوك خاطئ.والجيل الجديد دمرته سلبية التكنولوجيا “

اسمها ( كرونا الجهل )  الكارثة الحقيقية هي الجهل ودي اصعب من المرض نفسه هتكلم ولأول مرة في امر مهم جدا جدا لما انا بقالي سنين كتير بنشر رسالتي في التنمية البشرية و بالذات ( السلوك ) وحط تحت كلمه السلوك دي مليون خط ليه بقا ! عشان دي المصيبة اللي بنواجهها في ازمة الوباء دي السلوك ياااا سادة السلوك يا وزارة التربية و التعليم وانا بركز علي الوزارة دي بالذات ليه ؟ لانها المنوط بيها التعليم والمفروض تهذيب السلوك بما انها سبقت التربية قبل التعليم وانا حاضرت في عشرات المدارس بفاقوس وقراها وبعض المراكز والمحافظات وكل تركيزي السلوك
المصيبة هي السلوك ودا اهم فارق جوهري بينا وبين دول العالم المتقدم متقدم بايه بقا ! متقدم بعلمه وسلوكه وحضارته اللي هي مصدرها السلوك لما تلاقي ناس عامله فرح عشان ابنهم طلع سلبي من كرونا وتلاقي النهارده ناس خدت ابنهم المتوفي بكرونا من المستسفي بطريقة همجيه لولا تدخل الشرطه يبقي دا اسمه ايه
ايه اللي بيحصل دا وارقام الاصابات بتزيد بطريقة مخيفه وماخفي كان اعظم و اعظم
رجاء ننقذ ما يتم انقاذه بالتركيز علي الجيل الجديد اللي دمرته سلبيه التكنولوجيا وتيك توك والبابجي والحرب التقنيه اللي انهزمنا فيها في تدميرنا لجهلنا لازم نفوق احنا في كارثة والامر استحاله فيه المجامله