علاء وحيد يكتب :الفقر مفتاح الفشل فى الإسماعيلى ولن اترك النادى الذى خدمته بدون مقابل 25 عاما

كتير بينصحوني ان اترك الاسماعيلي لان المركب بتغرق وحتي لا يتم احتسابي علي احد حتي ياخذوني في المجلس المعين القادم. اقسم بالله الجمله دي اتقالت ليا كتير مع كل هجوم علي اي مجلس وردي كان لما المركب تغرق ده ادعي ان الي بيحب المركب ميهربش ويساعد علي تعويمها وانا كنت في مجلس معين وكان الهجوم علي المجلس باحط واقسي عبارات لدرجه ان قناه دريم سبورت وقتها كانت شغاله علي الهجوم علي مجلسنا فقط وعبارات انزلوا من البيوت الاسماعيلي بيموت. ومجلس العار ومجلس الهوان وشله المنتفعين والأغبياء وارحلوا يافشله كل ده قيل علي كل المجالس معينه ومنتخبه. انا لايعنيني أفراد انا يهمني كيان. كل واحد بيحب النادي لايجد عند الاخفاق سوي مهاجمه أفراد. وكل واحد محترم كان في اداره الاسماعيلي منذ عشرين سنه لم يجد سوي الشتيمة والاهانات والاتهامات وفي النهايه بيرحل المجلس وياتي مجلس معين وتستمر المشكله الحقيقيه التي يتغافل عنها الجميع وهي فقر النادي. ياساده فقر النادي السبب في اختيار لاعبين علي قدهم. السبب في بيع الافضل السبب في اختيار اجهزه فنيه علي قدها السبب في عدم الاهتمام بالناشئين. مافيش مجلس اداره عاوز يفشل. الفقر. الفقر. الفقر. هم السبب. وبدل مانهيل التراب علي اللاعبين. لأنهم هم الي هيكملوا معانا الموسم ده يبقي نشجعهم ونقف جنبهم أفكار كتيره لجمع فلوس محدش قرب منها او حاول يعملها ممكن تتعمل النادي محتاج نكون علي قلب رجل واحد واقسم بالله مابدافع عن حد او مجلس ولكن مبتعملش مواقف زي ناس كتير بيبيعوا اي حد علشان يزايدوا ويبقوا ابطال امام الناس ولائي فقط للاسماعيلي طوال ٢٥ سنه خدمت فيهم النادي من غير اي مقابل اكتر من عمر كتير عاملين نفسهم أوصياء علي النادي فاكرين انهم بس الي بيشجعوا وبيحبوه واي حد قبل مايعلق هنا يسال نفسه عمل ايه للاسماعيلي وبعد كده يعلق. الاسماعيلي هيعدي الازمه بسرعه جداً لانه كبير جداً وفوق اي حد