عز الاسماعيلاوى يكتب : ارجع يادراويش .. ارجع وامسح دموع جمهورك … اسألو الناس بتوع زمان في منشية الشهداء والمحطه وشارع الفن والثلاثيني وعريشية مصر والحكر مين هو الكيان !!

أرجع يا اسماعيلى … أرجع يا اسماعيلى يا بتاع زمان ورجع السمسمية تغني ليك كمان وارجع ياابن خط الكنال ارض الرجاله والأحرار والفدائيين كمان ارجع يلي رسمت البسمه لكل شعب مصر زمان لما اخدت كأس أفريقيا زمان ارجع يا نادي الوطنية يلي لفيت البلاد العربية لجمع المال للمجهود الحربى والمهجرين من مدن الكنال وفي محنتك محدش وقف جنبك كمان ارجع يلي جمهورك فكل البلاد يهز جبال كمان ارجع يلي اسمك معروف في كل البلاد العربية وأفريقيا كمان ارجع يلي رئيسك زمان الراجل الوطني عثمان أحمد عثمان اللي اسمه في البلاد العربية وأفريقيا كمان دا اللي بنا قواعد ودشم الصواريخ علي طول جبهة الكنال زمان وليه بصمه في إنتصار أكتوبر زمان ارجع يلي قال عليك المستكاوى والسعدنى مواويل وحكايات ورويات زمان ارجع يلي قوام منتخب مصر كان منك كمان ارجع لأيام زمان ايام اللاعيبه اللي بجد اللي كانو بيسافروا في درجة ثالثه وفي الفوز بيخدوا جنيه من بتوع زمان ارجع يلي رضا زمان لما قابلته امال فهمي في برنامج علي الناصيه قال صعدنا لنبقا وننافس ولم نعود للدرجه التانيه مره تانيه كمان ارجع يلي رحل منك لاعيبة متعوا اسماعيليه وكل مصر كمان ارجع يا اسماعيلى يابتاع زمان ارجع يلي كل الفرق بقت طمعانه فيك كمان وبقينا بنتغلب علي ارضنا كمان ارجع يلي فهمي عمر في التعليق زمان قال الاسماعيلي علي أرضه صعب يتغلب كمان ارجع يلي جمهورك بيحبك كمان وارجع وامسح دموع كل اهل وشعب الاسماعيليه اللي بيبكي عليك كمان ارجع ياسماعيلى يا كبير والكبير هيفضل كبير والاسماعيلى يمرض ولكنه لا يموت وتبقوا تسألو الناس بتوع زمان في منشيه الشهداء والمحطه الجديدة وشارع الفن والثلاثيني وعرشية مصر والحكر بتاع زمان كمان