إيهاب جلال يعترف : من عيوبي اني عاوز استعجل الفوز وازمة الفلوس سبب اختياراتي لبعض الصفقات

دافع الكابتن إيهاب جلال عن نفسه خلال التصريحات التي ادلي بها عبر برنامج هاني حتحوت فقال :

_ الصيام مفيهوش حاجه اسمها رخصه عشان اللعبه
_ لو لاعب عرفت انه هيفطر مش هلاعبه
_ انطباع جيد واستقبال ليبي علي اعلي مستوي من اول مانزلنا
_ قلت للاعيبه قبل الماتش لو هنلعب عشان المصريين ال استقبلونا يبقي كفايه
_ احنا بنساعد النادي بمباراة وديه وده واجبنا
_ اخدنا خبره واحتكاك ممتاز في المباراة
_ أجواء جماهيرية جديده علي لاعيبتنا ، بس كانت اجواء احتفالية فعشان كده مكناش قلقانيين
_ انا قبل مااجي الاسماعيلي وانا مدرك مشاكل النادي وعارفها وانا سعيد بالتجربه
_ انا كنت عايز اروح الاسماعيلي عشان عارف قيمته جماهيرياً ، نادي عنده ميزه ان الكل بيحبه
_ المره الاولي انا مكنتش جاي الاسماعيلي عشان اخليه يقعد ف الدوري ، انا كنت جاي عشان اخليه يلعب افريقيا ، وعندي الامل ده ان شاء الله
_ انا مش عايز اضغط لاعيبتي بحاجات تخليهم مش مركزين
_ من عيوبي اني علي طول ببقي مستعجل الفوز اكتر من اللاعيبه وانا طموحي سابق الدنيا
_ إيجابيات مباراة الاهلي الليبي الروح موجوده لاخر المباراة ودي.حاجه جيده والثقه ال هناخدها من الدفاع ، وهيتم تطوير نص الملعب وهيبقي في جهد زيادة
_ مكنتش هنسحب خالص ، بس كنت عايز ادي إشارة للحكام المصريين ان عايز اعمل كده في مصر
_ اتكلمت مع الحكم بسبب اخطاءه الكتير في المباراة
_ معتقدش اننا تطورنا في التحكيم في مصر حتي مع وجود الراجل الأجنبي حتي مع وجود ال VAR
_ قرارات كتير عصبتني من الحكام المصرية في الدوري المصري
_ انا كنت عصبي زمان بس دلوقتي بقيت هادي وطبيعي
_ ال حصل بعد مباراه البلديه أن الماتش كان بدون جمهور ف ال هيدخل ضيوف المجلس ، ف الماتش خلص وحد بيكلمني ومقالش حاجه غلط وكان بيتكلم عن ايريك
كل ال كان في ذهني ان الماتش كان من غير جمهور ف شاورتله ان حد مرتشي ال بيقول كده ، و بعد الماتش لقيتهم موجودين عندي في المكتب واعتذرلي وكده واتصالحنا عادي ، بس كنت مستغرب ان الماتش من غير جمهور وال بييجو اصحاب أعضاء مجلس الإدارة
_ ايريك عنده ٢٧ سنه و بيجري في الماتش ١٤ كيلو ، هو طبيعي انه ميكونش زي زمان بسبب انه ملعبش بقاله فتره ، بس بيجتهد وبيعمل المطلوب منه
_ اللاعيبه اختياراتي واثق فيهم ، وهم لاعيبه ممتازين ، الجمهور عنده حق انهم مش جاهزين ، بس هم بيتحسنو زي ايريك وهشام ، واحمد الشيخ لسه منتظر عليه عشان عايز انزله وهو جاهز بنسبه كبيره وعشان الناس تبقي مبسوطه وهو بيلعب
_ ايريك ماضي بالجنيه المصري وازمة الفلوس هي سبب اختياراتي لبعض الصفقات
_ انا بالنسبه ليا ممكن اقعد فترات كبيرة كاتم في نفسي ومااتكلمش عادي وكفايه الناس ال عارفني
_ انا مش ندمان علي تدريب المنتخب خالص
_ بتمني التوفيق للكابتن حسام وهيقدر ينجح
_ انا طبيعي ان ماكلمش لاعيبه وبدخل معاهم في حياتهم الشخصية
_ تجربتي التانيه في المصري كانت شبه المنتخب وكانت في مؤامرات عشان امشي
_ في جماهير نوعين.. جمهور بيقبض عشان يشجع ده مش جمهور ، مفيش حاجه اسمها حد يشتم لاعب او مدرب . انت اهلك مش احسن من اهلي واهل اللاعب
_ مفيش حد يقدر وانا بمرن حد يشتم لاعب ، في الماتش بقوله مش مهم تركز
_ كان عندي امل في بيراميدز اني اخد الدوري
_ عبدالله السعيد مفيش حد زيه في مصر في التمرين باستثناء طارق حامد ومحمد ابراهيم ورمضان صبحي بس عايز معامله خاصه
_ غالبا ده اخر موسم مع عبد الرحمن وبيحتم علي النادي بيع لاعيبه عشان الازمه الماليه ويحل مشاكله
_ انا متخيل ان الاهلي وبيراميدز انهم يدخلو في اياد العسقلاني بس احنا عايزين الكوادر ال زي اياد تستمر بره مصر
_ بتمني التوفيق للجميع وان شاء الله القادم افضل للنادي الاسماعيلي