من حقك تشوف شغلك وتعمل متابعة وتحاسب على أي تسيب أو إهمال في العمل ، لكن وأنت بتعمل ده خد حقك القانوني ، مش من حقك تعنف حد أو تحتد عليه مستغلا سلطتك وعدم قدرته على الرد ، خاصة لو كنت في موقع وظيفي أقوى تقدر تدهسه .
من حقك تحاسبه وفقا لما تنص عليه اللوائح والقوانين داخل وزارتك حتى لو كان فصله ، لكن يجب أن تراعي المفهوم الإنساني في التعامل مع الخطأ والمخطئ .
خد كل ده على جنب ، وتعالى معايا في الوسع ، لو كان اللي قصادك اكبر منك في السن ، يعني في سن أبوك ، أو حتى أخوك الكبير .
في حاجه اسمها أدب الحوار ، أطلب منه أنه يحضر إلى مكان أخر منفردا بعيدا عن العاملين والموظفين والدنيا كلها ، وأتعامل معاه بالأخلاق والدين والعرف ، وده لا يمنع أبدا أنك تحاسبه لكن بالقانون .
هو في ايه ؟ وليه ؟ ومين يدفع ثمن رجل فقد حياته سواء كنت السبب المباشر أو غير المباشر .
التعليقات مغلقة.