نصر ابو الحسـن فى تصريحات إعلامية : النادي الاسماعيلي ليس للبيع والحكام يجاملون الأهلى والزمالك

:

كشف المهندس نصر ابو الحسن رئيس النادى الاسماعيلى خلال حواره مع الاعلامى ابراهيم عبد الجواد على قناة أون تايم سبورت  النقاب عن العرض السعودى لاستثمار النادى وقال : هناك أشخاص تواصلوا مع  الدكتور عبد المنعم عمارة وخاطبوه رسميا برغبتهم بشراء النادي الاسماعيلي وبدوره تواصل مع الوزير والمحافظ ثم تحدثوا معى  واضاف : وفقا للقانون يسمح للأندية انشاء شركات يخص النشاط والخدمات الرياضيه واباح القانون واللوائح ان اي شركه مساهمه تتعمل النادي له حق ٥١٪ وده بيعوق اي مستثمر وتابع ابو الحسن حديثه::  عرضت علي الوزير قبل كده من فتره في مقابله ان يبقي للمستثمر نسبة ٤٩٪ وزيادة بند له حق الإدارة والتشغيل وبعت جواب بموافقة النادي بكده او ان يحصل له حق انتفاع او رعايه ٢٥ سنه وتجدد للمستثمر وأشار أبو الحسن فى حديثه أن اي مستثمر هييجي هيحتفظ باسم النادي الاسماعيلي لان الاسم هو البراند ال هيبيع ويروج لاستثماره اما بخصوص الموضوع دلوقتي.. ان الناس عايزه تشتري النادي الاسماعيلي وقعدنا مع الجهات المسؤولة في المحافظة كلها ، فكان الرد القانوني ان يبحث موضوع تاني عن طريق الشراكه او حق الانتفاع وليس البيع او الشراء لان ده مخالف للقانون

وأوضح رئيس النادى الاسماعيلى كاشفا النقاب عن كافة ملابسات الموضوع : سيتم الرجوع للمستثمر الاصلي لان ال كانو موجودين كانو وسطاء وهيردو علينا وحسيت في كلامهم حق التملك بس الرد كان القانون المصري يمنع كده لان احنا نادي ملكيه عامه

وتوجه نصر ابو الحسن فى حديثه إلى  الأمور التى تؤثر على النادى سلبا وقال : دخلنا النادي كان موجود ١٢ قضيه صدر الحكم في ١٠ خلصنا منهم ٨ قضايا نهائيا قيمتهم تقريبا ٥ مليون دولار ولسه اتنين لم يصدر فيهم حكم نهائي بقيمة حوالي ٢ مليون ونص دولار و فراس شواط صدر له حكم ١٨ يناير وكان النادي موقوف القيد ،، الحكم صادر ب٦ بنود منهم بندين فيهم حكم بإيقاف فترتين قيد ، عملنا استئناف للحكم ،والمفروض ان الاستئناف يوقف تنفيذ القرار ، ولكن عشان دي عقوبه منفصله ومع تأخير تجهيز الورق من الفيفا وبعد مافتحنا القيد اتفاجئنا بإيقاف القيد بس احنا مكناش عارفين ،، ويدليل اننا كنا متفقين مع لاعيبه اجانب وتعاقدنا معاهم بس هم معانا ومع اول فرصه هنقيدهم وكان عندنا مشكله في عقود الرعاية والبث لانهم قليلين جدا  بنتصرف من بعض الشخصيات ال بتساهم وبتبرع ، القطاع تقريبا بدأ يصرف علي نفسه ، وفي محلات تحت الدرجه التالته وعدلنا العقود باجر كبير ، السوشيال ميديا بدأنا نطورها بحيث تدخلنا مبالغ ماليه
وكشف أن الوزير سمح لنا اننا نضع ايدينا علي بعض الأماكن في النادي نستغل اننا نستثمر فيهم وأكمل ابو الحسن حديثه : اول مره ننهي الموسم ومفيش لاعب له جنيه عن الموسم الماضي ماعدا ٣ لاعيبه مشيو وهنديلهم فلوسهم ، واللاعيبه الموسم ده قبضو فلوسهم كامله لحد دلوقتي ال هي ٢٥٪ واحنا من الانديه القليله ال عامله كده

–  كل مايتردد عن ان الاهلي ساعدنا واشتري عمر الساعي ده كلام فاضي وفارغ .. لا إدارة الاهلي تعمل كده ولا احنا نسمح بكده … في نسبة بيع في عقد الساعي
–  الأهلي كان موافق علي اي لاعب هو مش محتاجه كنا بناخده ، بس موضوع غلق القيد هو ال وقف الانتقالات ، زي عمار حمدي والدبيس وكريم فؤاد
–  كنا معارضين لموضوع الاعارات ، عشان مانبقاش نجهز لاعيبه والاقيهم مشيو
– لن أكن قلقاً قلقان وانا بييع الساعي للاهلي لان المصلحة متبادله هم بيستفادو فنياً وانا بوافق علي الاعلي مادياً

–  رؤية الفريق الأول هو تغيير جلد الفريق الأول.. وفي لاعبيه كانت لازم تتغير ، مع تغيير العقليه والروح فكان لازم ان في لاعيبه تسبهم عشان تبني فريق جديد وده ال خلي كابتن ايهاب يلعب بالفريق الصغير
ـ  كابتن ايهاب جلال كان بيصر علي ان اللاعيبه والجهاز مستحقاتها تخلص الاول وهو كان في الاخر خالص
ـ  عندنا ثقه كبيره في اللجنه والجهاز في كل الامور الفنية حتي لو طلبو تغيير عقود لاعيبه ، وعدلنا عقود اياد العسقلاني وعمر الساعي وده ال خلاهم يظهرو وفعلا كانت رؤويتهم صحيحه
ـ: موسم الكابتن ايهاب كان صعب بس لو هنتكلم عن الضغوط والكلام ده انها اثرت علي الكابتن ايهاب محصلش وكان زي الجمل يستحمل وبيحب الجمهور
ـ  ايهاب جلال مكانش مدرب بس ، كان والد للاعيبه وكان بينصحهم في حياتهم الشخصية بره الكوره

ـ  الولاية الاولي مكانش فيها كم القضايا دي وكان الأداء افضل ونافسنا علي الدوري
ـ محصلش اي مجاملات في ٢٠٠٩ وكلام غير منطقي وكنا فريق كويس جدا وكسبنا كل الأندية واتظلمنا كتير جدا ، والدوري اتسرق مننا

ـ  بعتذر للكباتن حلمي طولان وشوقي غريب لان ال حصل ده خطأ ، بس كان في ظروف خاصه للنادي من رحيل الكابتن ايهاب ووقف القيد وكان الافضل ان يكون موجود للاعيبه دي مدرب عارفهم .. والكابتن حلمي وشوقي مكانوش هيستعينو باي حد من الجهاز الفني الحالي

ـ  القطاع دلوقتي في عناصر كويسه بس كان يدار بشكل غير كويس ، والاهم كان عند النادي اننا نجيب لاعيبه جاهزة وده غلط فكان بيتصدر للناس ان القطاع غير مؤهل بس الحقيقة ان محدش كان مركز معاه
ـ  لما ركزنا مع القطاع خرج معانا اياد العسقلاني والساعي ، والسنه دي في اكتر من ٥ لاعيبه موجودين معانا مميزين

ـ ـ  هل الحكام بتجامل الاهلي والزمالك …( اكيد )
افضل لاعب لعب للاسماعيلي من الاهلي ( هاني سعيد )
افضل لاعب لعب للاسماعيلي من الزمالك ( بسيوني )
ـ:افضل نادي بتحب تتعامل معاه مع التفاوض ( كل الأندية سواء )
هل كنت تبيع زيزو لو مسؤول الزمالك ( نعم )
هل رفضت بيع عبد الرحمن مجدي للزمالك ( لا ) العرض مكانش فيه جديه
لاعب تريد التعاقد معاه من الاهلي ( قفشه )
افضل لاعب في تاريخ الاسماعيلي ( علي ابو جريشه )