” محمد شيحة ” يكشف ألاعيب ” نصر أبو الحسن ” – ” 4 ” أعضاء بالمجلس يتهمونه أمام الوزير في ذمته المالية !!

– تفاصيل مكالمة فرج عمران مع ابو الحسن بعد مقابلة الوزير

– ” 5 ”  من ”  8 ” شككوا فى ذمة الرئيس وحزين للموقف السلبي لمديرية الشباب والرياضة بالإسماعيلية

كتب خالد الظواهري

كشف محمد شيحة نائب رئيس النادى الاسماعيلي السابق من خلال بوست نشر علي صفحته الشخصية على موقع التواصل الاجتماعي ” فيس بوك ” تفاصيل المكالمة الهاتفية التى جرت بين فرج عمران نائب رئيس النادى حاليا ونصر ابو الحسن رئيس النادى بعد زيارة عمران وثلاثة أعضاء لوزير الشباب والرياضة الدكتور أشرف صبحى وشكواهم للوزير من إنفراد الرئيس بالقرارات مع توضيح كم هائل من المخالفات المالية التي تمت مؤخرا بسبب الرئيس الحالى للمجلس كنب شيحة: ” رئيس المجلس الانفرادي في اتصال هاتفي مع المحترم فرج عمران .
الو :ازاي يا حج فرج تروح مع العيال  دول تقابلوا الوزير من غير ما تقولي .. رد عليه فرج و قاله : وانت مالك ما انت روحت تقابله من غيري انت و حباطه
رد حسان وقاله : طيب خد بالك انت اللي بتعمله ده غلط و مش هيوصلك لحاجة وانا مظبط مع الوزير و مدير المديرية ان الولاد دول مش هيرجعوا تاني ولو علي جثتي
رد فرج و قاله : الوزير رجل محترم و عادل و سمع للشباب و شكواهم محل دراسة وانا شايف انهم اصحاب حق وانت اللي بتعاند و النادي محتاج اننا نكون كتف بكتف ومش هكمل باقي المكالمة
اللي اقدر اقوله ان أربعه من ثمانيه اشتكوا حسان في ذمته المالية و قالوا ان خياطة اللي بيدير كما يشاء وكان قبلهم آلعضو المضطهد سبقهم و قال نفس الكلام عن حسان وحباطة يعني الإجمالي خمسة من سبعة شككوا في ذمة حسان المالية ومازالت مديرية الشباب و الرياضة لغز محيرني بتتفرج ليه مش عارف وكلي ثقة في معالي الوزير المحترم الاستاذ الدكتور اشرف صبحي في ان يقف كعادته مع شعب الاسماعيلية و يصحح الخطأ اللي حصل بنجاح رئيس المجلس الانفرادي بفرق صوتين فقط .. صدقوني القصة مش قصة فلوس قصة قيمة و هيبة نادي بتضيع علي ايدي حسان و حباطه ومن يسكت عما يفعّلون شريك معاهم استقيموا “