محمد شيحة يكتب : ” المجلس الانفرادي ” الذي يرفض توجه رئيسه و تحول عداوة الامس المصحوبة ب ” الاتهامات في الذمم المالية ” الي حالة من الحب الممنوع !!

كنت و لا زلت اول من نادي بتسجيل العلامة التجارية للنادي الإسماعيلي و البدء في تأسيس شركة تحمل اسم النادي للاستثمار في المتاح من الاصول العينيه او المادية او الملموسة و فتح افاق جديدة للوصول لتعددية مصادر الدخل و التمويل يعني انا اول من يؤيد الاستثمار في الرياضة وكرة القدم  تحديداً والتي اعتبر واحداً من صناع المال فيها في السنوات الاخيرة و بالارقام و التاريخ موجود وكل الناس عارفينه يبقي بعيد عن قصة الاستثمار في النادي الاسماعيلي والتي اؤيدها بشدة و لكن سواء كان المستثمر جاد من عدمه  او يتبع اي جهة من الجهات سواء داخل او خارج مصر  له كل الشكر حتي لمجرد تفكيره في الاستثمار بالإسماعيلي  ولكن ما يؤرقني ان المجلس الانفرادي اللي بيمشي اي عضو علي غير الهوي للمرحلة والذي يرفض توجه رئيسه في الوقت ده ثم يعود مرة اخري بعد سلاسل من الاهانات و التجاوزات و الاتهامات المالية و اللجوء للمحاكم  و كأن شيء لم يكن و يقعد معاه علي نفّس الترابيزة و تتحول عداوة الامس المصحوبة بالسباب و السرقات و الاتهامات في الذمم المالية الي حالة من الحب الممنوع وكيد النساء و ينقلب المجلس الانفرادي علي من كانوا اصدقاء الامس و يلاعبهم حسان زي عرايس الماريونت  و يتكرر نفس السيناريو و الاتهامات في الذمم المالية و محاكم و نيابة عامة و كلام يندي له الجبين ومازال الامر في النيابة العامة و منتظرين ان يأتي الفرج ازاي علي يد حسان من الاخر الوردية وحشة و شخلل علشان تعدي يعني فيها لا اخفيها مش محتاجة ذكاء و الدليل ان الصفحات المأجورة شايفه ان الاسماعيلي كويس و محدش بيتكلم عن الكوارث الي مش مجال للحديث عنها لكن رافضين الاستثمار و عمالين يوقعوا في العرض و تسريب اشاعات و كانهم خبراء في الصناعة وكلهم يملكوا عروض افضل الخلاصة حتي لا يلعب أحد بمشاعركم الصندوق السيادي لو عرضه كويس و قوي و قانوني دكان هيروح طريقه و سكته ده لو هو سيادي فعلاً يبقي نتعامل معاه انه عرض يحترم من شركة ترغب في الاستثمار و ده امر طيب و ادعمه بشده لكن أنا شخصيا لا أثق في المحلس الانفرادي اللي مسرقين بعضهم في محاضر رسمية علي التحكم بمقدرات الإسماعيلي الاستثمارية لانهم غير أمناء علي بعضهم و جلساتهم الخاصة اللي يتكون معلومة للجميع علي المقاهي و الصفحات المأجورة و في الشوارع من الشهداء الي حناطه في اقصي البلاد استقيموا يرحمكم الله البلد لها اصحاب وكفاية اللي عملتوه