محمد حسن يكتب : حكاية ال ” 4 ” أعضاء وحزب ” ابو الحسن” وأسباب غلق القيد ل ” فترتين “
تعالوا احكيلكوا حدوتة تخوف … النهارده كان فيه إجتماع طارئ لمجلس إدارة النادي الإسماعيلي حضرة ٤ أعضاء وبلغوا الحزب التاني ولم يحضر منهم أحد .. الاجتماع اتأجل ساعتين وتم إبلاغ الحزب التاني بالميعاد الجديد حسب اللائحة وأيضا الحزب التاني لم يحضر أحد وبكده قرارات الإجتماع المفروض انها سارية وسليمة .. .الإجتماع تم فيه قرارات
١ _ إلغاء معسكر قطر بعد ما كان المفترض النادي مش هيتحمل حاجه علي حسب ما الاعضاء اتبلغت في البداية إن النادي مش هيتكفل بحاجه وهياخد ٥٠ الف دولار كمان
فجأة بعد خناقة أخر اجتماع النادي بقي هيتكفل بكل المصاريف و الدولارات اختفت
٢_ تكليف رئيس النادي بالاشراف علي الفريق الأول بما إن هو والحزب اللي معاه جابوا حمد وهما مش مقتنعين بيه عشان يعندوا مع الحزب الاول وبس .وبما إن رئيس النادي هو المتسبب والمسؤول الاول والاخير في قفل القيد لفترتين .. وتعالي اقولك ليه هو السبب .. يوم ٢٢ يناير اللي فات رئيس النادي طلع قرار بتكليف احمد فهيم بملف شكوي فراس شواط في الفيفا وأحمد فهيم استلم القرار بورق رسمي .. ورجع يوم ٢٤ يناير بعدها بيومين رد بورق رسمي علي رئيس النادي بضرورة تكليف نهاد حجاج أو نصر عزام بالقضيه عشان عندهم خبره في قضايا وملفات الفيفا .
بعدها رئيس النادي طلع قرار بتعيين محامي اجنبي معرفش يقرأ قرار الفيفا ولا حد في النادي عرف يترجم الجواب واللي اتسبب في قفل القيد لفترتين بسبب الجهل والعنجهية .لحد دلوقتي المعسكر أتلغي بقرار من مجلس الإدارة .والمتوقع بكره حزب رئيس النادي هيدعوا لإجتماع جديد ويوافق علي المعسكر والنادي يدفع فلوس المعسكر والفلوس اللي جايه من قطر هتسيح زي ما ساح ال ٤ مليون جنيه عمولة بيع عبد الرحمن مجدي واللي هيا ١٠% اللي بتدفعها بيراميدز في صفقاتها علي طول
نسيت اقولكوا إن حزب رئيس النادي طلع قرار بتعليق جلسات مجلس الإدارة لحين البت في فصل اتنين جداد من الأعضاء بعد ما حاولوا يعملوها مع احمد فهيم ومعرفوش .. اقرا الصورة كويس وانت تعرف احنا رايحين علي فين .. وحد يفهمني يعني ايه رئيس نادي كل ما حد يعترض علي قرار هو عاوزه أو كارثه بتحصل عاوز يفصله ؟؟؟هى الناس انتخبت حضرتك بس يا بشمهندس ولا انتخبوا المجلس كله ؟؟؟؟؟؟
التعليقات مغلقة.