علي غيط يكتب : من يؤيد بيع لاعبي الدراويش ” جاهل كرويا” و” خائن للكيان” و” مطبلاتي” !!

واصل الكابتن علي غيط نجم الدراويش فى العصر الذهبي توجيه ملاحظاته الكروية والتحذير من استمرار الأوضاع المتردية خوفا علي مصلحة الكيان.. ولا احد يستطيع أن يشكك في حب وإخلاص هذا النجم الكروى الذي ارتبط اسمه بالقلعة الصفراء. كثيرا ماصال وجال كلاعب كان مؤثرا فى مسيرة الدراويش عبر التاريخ

( من الاخر)

الذي يؤيد من الجماهير ببيع لاعبين احداهم افضل لاعبى الفريق والثانى مستقبل الكره المصريه فهو جاهل كرويا وخاين للكيان وعميل لاصحاب المصالح ومنتفع ومطبلاتى للاداراه ولا يحب الاسماعيلى بثلاثه جنيه وبيكتب نهايه هذا الكيان ومحدش يقولى طيب هما يعملوا ايه هما تقدموا للانتخابات عارفين المديونيات والغرامات وقدموا وعود بحل كل المشاكل لايوجد بها بند بيع اللاعبين يبقى محدش يقولى اصل ورثوا تركه مديونه لا ياحبيبى هما عارفين كويس الكلام ده وياريت اصحاب هذه الشعارات يصمتون يعنى يبطلوا كلام  الاسماعيلى لايقف على احد

الاسماعيلى يصنع النجوم .. الاسماعيلى كبير على اى لاعب .. حرام ده يبقى لاعب عندنا بيع ياعم  رقم 7  خليه يغور ..  مفيش لاعب يتبكى عليه

الافوارى ياكومى وسبوبه كارميلو يا كومى وصلتونا اننا من اربع مواسم بنفضل فى الدورى بدعاء الوالدين ونعمل مبادرات ونستحمل سخافات شويه منتفعين مطبلاطيه يزايدوا علينا

بصراحه ناس مش فاهمه حاجه غير خالف تعرف ..انا عندى صفحه اذا انا اتكلم وانا مدير فنى ..يخربيت اليوم اللى اخترعوا فيه الهباب بوك ده اللى خلى كل واحد يفتى ويحلل ويبيع  ويختار لاعبين وهوب بقى سمسار

وفى الاخر مفيش احترام لكبير ولا لسن ولا لمقام ولا خبرات ولا حد بيفهم  وخايف على مصلحه النادى

للاسف مستقبل النادى بين الشيطان صاحب فكر ويد المصالح الشخصيه والسبوبه والعموله مع شويه عيال مطبلاتيه مابيعرفوش يديروا حياتهم الخاصه عايزين يبقى ليهم دور ومصلحه وخلاص .. علي كرهتونا فى الكوره وفى الانتماء وفى الحاجه اللى بنحبها وجبتولنا المرض وتعبتونا

ربنا لا يسامحكم وينجى النادى منكم