” عاطف عبد العزيز ” يرد علي المشككين : ” بنخدم نادينا” واى مسؤول ب ” يخدم ” هسانده والفضائح حتبقي بالمستندات يا ” مصلحجية”

حرص الكابتن عاطف عبد العزيز نجم الدراويش في العصر الذهبي واحد المدربين المتميزين الذين سبق وقادوا فرق القطاع علي الرد على بعض المشككين الذين يقودون حملات ممنهجة ضده وضد بعض المدربين الذين انجزوا عبر التاريخ وقال عاطف خلال بوست نشره على صفحته الشخصية على موقع التواصل الاجتماعي فيس بوك :

أنا مش هتكلم كتير بس يا ريت الي عنده الشجاعه الادبيه يطلع يقول علي ألاعيبه الي مشيت من النادي في وجود مجلس يحيي الكومي من قطاع الناشئين علشان مفيش مدرب يقدر يمشي لاعب علشان فيه رئيس قطاع ومشرف علي فرق الجمهوريه ورئيس لجنه فنيه وعضو مجلس اداره مشرف علي القطاع علشان فيه ناس بتتهمني بلاعيبه مشيت من النادي وآنا المسؤل عن مشيه كلام عار من الصحه وأنا بفضل الله سبحانه وتعالي جبت عبد الرحمن مجدي من نادي الترسانه ومحمد حسن من بلديه المحله ونادر فرج من نادي المطربه درجه ثالثه أنا بقول الكلام ده علشان حقيقي وأنا والله العظيم ممشيت محمد عاطف وإلا غيره من النآدي والراجل يجيب ورقه ماضي عليها بمشي لاعب من القطاع واسألوا ريس قطاع الناشئين بالنادي خالد القماش احنا بنخدم نادينا الي أتربينا فيه وجبنا بطولات للنادي وقسما بالله هطلع القديم والجديد للوسخين الي بيرموا الكلام ويوزعوه علي الارزقيه أنا بحب بيتي الي عمل عاطف عبد آلعزيز ومش منتظر حاجه من حد وأي مسؤل بيخدم النادي هسانده علشان حبي لبيتي الي اتربيت داخل جدرانه مش متسول وبنسب النادي لشخصي استقيموا يرحمكم الله والجاي لايف بالمستندات يا معرضين أنا اسمي الكابتن  عاطف عبد العزيز