رسالة توضيحية وتحذيرية من ” محمد شيحة ” ل ” جماهير وأعضاء الجمعية العمومية” حول المشروع الوهمى لمجلس الإسماعيلي
وجه الدكتور محمد شيحة نائب رئيس النادى الاسماعيلى السابق والخبير التسويقي رسالة ل جماهير و اعضاء الجمعية العمومية للنادي الاسماعيلي أكد خلالها على حقيقية المشروع الذي أعلن عنه سابقآ مجلس الإدارة بعد النجاح فى انتخابات النادى
قال شيحة ” اعزائي جماهير وأعضاء الجمعية العمومية للنادى الإسماعيلي احب اشرح لكم اهم مميزات المشروع اللي اتضحك علينا به عن طريق صفحات مأجورة معروفين للكل .. بداية المشروع انك تلاقي مركز الباك شمال فيه سكر وعبد الكريم ودسوقي واحمد محسن يعني ٤ باك شمال ومافيش آوفر لاب واحد اتعمل اما الباك يمين عصام والنقاز وبيومي وعرفات والحاج ايرك رضي الله عنه بيلعبها يبقي المجموع 9. لاعبين ما بين الباك يمين وشمال ولا احد يفكر في التعاقد مع مهاجم يوحد ربنا له مميزات المهاجم الهداف.. وعلشان اكمل لكم الجزء الاهم من المشروع فين حسن صابر وزيدان وعبد الله حسني و امير وجيه وعمرو سمير وبشار و اواب و محمد ايهاب والعتر وغيرهم من المواهب والناشئين هل اختفوا من المشروع ولا نسيت انك قمت ببيع القطاع و الاكاديمية للي يدفع فلوس يلعب و ياريت سعر كويس المهم طمني علي الناشئين وقعوا منك ولا الهوي رماهم طيب هل في مشروع بيخسر صاحبه ملابين اقولك ازاي تعالي يا سيدي انت و هو وهي تم تجميد كريم عرفات واحمد محسن وباسم مرسي ومحمد حسن وهاشم ودي ملايين هيتم دفعها وطبعا كلامي ماليا وليس فنياً عالي بقي الحتة التقيلة في المشروع الا وهي الصفقات احمد الشيخ بحبه جدا و اراه موهبه لم تحصل علي حقها لكن نسمع انه مصاب من خمس سنوات و لم يشارك بشكل منتظم هل تم عمل كشف طبي عليه طيب هل سن الشيخ يدخل في نطاق المشروع الجهنمي اللولبي علشان تفهم مش اكثر والله اما الحج هشام محمد انسان علي خلق ومهذب و محترم مافيش كلام لكنه لم ينضم الي اي فريق في مصر و روحت جيبته في السن ده من درجه ثانيه تقريباً او كان من غير نادي وهل عمره الحالي وارد في نطاق المشروع اما عن اريك تراورى حدث و لا حرج هقول فيك ايه وانت فيك كل العبر بس واضحة وكيلك بقي الحصري بتاع الافارقة وكله في نطاق المشروع والورق ورقنا وكده تعالي بقي للجزء الاهم من المشروع لاعبي الدرجة الثانية الدح والملاواني اين هم من المشاركة دي ملايين مصروفه و جمهور دمه بيتحرق بسبب صفقات وتجميد وناشئين ملغي دورهم وتقول مافيش فلوس اخر حاجة في المشروع ان كل ايقاف للدوري يسافر المدير الفتي الي اي بلد خارجية سواء عربيه او اوربيه او امريكا المهم يكون في سبب للغياب طيب هل ده جزء من الفنكوش قصدي المشروع طيب ممكن رد صريح وواضح ما ينقطع عن التدريب والمساعد يمسك مكانه ولما يصف جمهور النادي باشارات و تلميحات بقبض فلوس ده بردوا من المشروع وهل قيامه بمنع عضو مجلس اداره من التواجد في التدريب و من بعده نائب الرئيس ده استكمال للمشروع و للنهضة الكروية الغير مسبوقة اللي عملتوها كمجلس و جهاز دي لو عزبه مش هيحصل فيها كدة خيل يا مؤمن كل هذه العجائب في الاسماعيلي وما خفي كان اعظم و سلم لي علي المشروع
التعليقات مغلقة.