حلمى طولان فى تصريحات صحفية : ” نصر أبو الحسن ” أبعدنى عن تدريب الإسماعيلي، علشان عايز الهولندي مارك فوتا

قال الكابتن حلمي طولان فى تصريحات إعلامية بعد فشل التعاقد معه :

“قبلت الشغل لأني بحب الإسماعيلي كزملكاوي، لكن كان لازم يتعاملوا باحترافية واحترام. المسؤولين في الإسماعيلي قليلين الذوق.”

“اتفقت مع الإسماعيلي على كل حاجة لتدريب الفريق، وعرفت كل الظروف. كان مفترض أن ألتقي بنصر أبو الحسن، رئيس النادي، لكنه اعتذر وما حضرش.”

:…………..
مرة اخري نريد رد عملي او بيان من ادارة النادي للرد علي تلك الاتهامات
“أنا اتنرفزت وقلت اللي عايزني يجيلي البيت يقعد معايا. بعدها، جلست مع علي أبو جريشة ورئيس النادي في فندق، لكن حسيت إنهم بيحاولوا يطفشوني.”

“أنا ليا قيمتي، وانسى إني اتكلم معاهم تاني. دلوقتي عرفت ليه النادي في الحالة دي.”

“أبعدوني عشان الهولندي” – حلمي طولان يفجر أسرارًا خطيرة حول إدارة الإسماعيلي”

في تصريحات نارية، كشف المدرب حلمي طولان عن كواليس صادمة خلف فشل تعاقده مع النادي الإسماعيلي، متهمًا الإدارة بالتلاعب والمماطلة.
عبر برنامج “بوكس تو بوكس” على قناة etc، صرّح الكابتن حلمي طولان بأن نصر أبو الحسن، ومحسن عبد المسيح، وعلي أبو جريشة عرضوا عليه كل مشاكل النادي، بما في ذلك أزمة القيد وقلة عدد اللاعبين، ومع ذلك كان مستعدًا لقبول التحدي.

قال طولان: “ما اعتذرتش عن تدريب الإسماعيلي، بالعكس، أنا اللي قلت لرئيس النادي حط إيدك في إيدي علشان المهمة صعبة جدًا، لكن اتفاجئت بتصرفات غير محترمة”. وأضاف بغضب: “المسؤولين اللي تفاوضوا معايا قليلين الذوق، ومستحيل أشتغل مع المجموعة دي”.

وأثار طولان مفاجأة عندما نفى الشائعات التي تحدثت عن طلبه 3 ملايين جنيه مقدم تعاقد، مؤكدًا: “ده كذب وافتراء، في انقسام داخل المجلس، بس الغالبية كانت عايزاني أجي”.

واختتم المدرب تصريحاته : “نصر أبو الحسن وأمين الصندوق هم اللي أبعدوني، وده كله علشان عايزين يجيبوا الهولندي مارك فوتا يدرب الفريق”.