حسني عبدربه ل ” برنامج الهدف ” : نفسي الاسماعيلى يرجع تانى ، و البداية من قطاع الناشئين .. والسوشيال ميديا متحكمه في قرارات كتير

7

 

كشف حسني عبد ربه نحن الدراويش فى العصر الذهبى ومنتخب مصر السابق هلال تصريحاته لبرنامج الهدف عن العديد من الأمور بماية من سرد مشواره مع ناديه السابق والمواقف التى حدثت معه ىوقت أن كان يعمل مديرا للكرة فقال 

– شرف لي الحصول على جائزة افضل لاعب في افريقيا و أنا كنت ارتدى تيشيرت الإسماعيلى .

– ـ أتمنى أن يتم ظهور لاعبين افضل من حسنى عبدربه في الإسماعيلي ، الإسماعيلى فريق كبير و شرف لأى حد الإنتماء للكيان ده ..

-:ـ الأهم من الفلوس ، أن الواحد يعمل تاريخ محترم عشان الناس تفتكره بالخير و ده أهم من أي شئ ..

– ـ سجلت في المقاولون العرب قبل مباراة الاهلى ، هدفى في شباك الحضرى كان بداية حسنى عبدربه الحقيقة في الملاعب وجاء في الدقيقة +94 من وقت المباراة ..

– ـ العودة إلى الإسماعيلية و النادي الإسماعيلي ، بعد التوقيع إلى الأهلى كان سببه حبه الإسماعيلى و مكانته في قلبي و يكفيني وجودي في النادي الإسماعيلي حتى اعتزالى ..

– – منتخب مصر في الكثير من الأوقات كان التدعيم الأساسي له من النادى الإسماعيلى ، الإسماعيلى لا يقل أهمية عن الأهلى و الزمالك ..

ـ جميع اللاعبين اللى لعبوا للإسماعيلى شهدوا بأن اللعب في الإسماعيلي له طعم تاني و خصوصاً الأجواء في الإسماعيلية الناس في إسماعيلية حياتهم الكورة ..

ـ في أندية هدفها حصد البطولات ، لكن الإسماعيلي لم يكن هدفه الأول التتويج بالالقاب عكس تقديمة كورة برازيلية الناس تمتع بمشاهدة الدراويش ..

ـ بوكير و ديسابر من المدربين اللى اتعلمت منهم كتير في حياتى ، ديسابر كان بيعيش الأجواء و خصوصا قبل أى مباراة هدفه أن الفريق يقدم أداء و نتيجة إيجابية و من الصعب أن يتواجد مثلهم في الملاعب المصرية ..

ـ نفسي الاسماعيلى يرجع تانى ، و البداية من قطاع الناشئين و هى أن يكون في مدرب محترم يعلم اللاعبين يعنى أى كورة حتى تعود مدرسة الدراويش إلى سابق عهدها ..

ـ السوشيال ميديا في الإسماعيلية متحكمه في قرارات كتير و ممكن تمشي ناس من منصبها و دى من الحاجات اللي وراه سوء حال النادي ..

ـ الإسماعيلي محتاج ناس عندها ضمير و أمانه قبل أى شئ ولازم الناس تخاف من ربنا عشان النادي ده يرجع زى ما كان ..

ـ كابتن حمد فوق رأسي ، و انتقادى له فنى و أنا ليس جالس لتصفية الحسابات و أنا داعم جداً للجهاز الفني و مش هجوم و ليس لى مصالح شخصية و كل اللى يهمنى هو مصلحة النادي الإسماعيلي و أنا مش هصفي حسابات مع حد على حساب النادي الإسماعيلي ..

ـ يحيي الكومى أقال حمزه الجمل أتصل بي و أنا في السعودية و قال إننا عاوزين نتعاقد مع إيهاب جلال و قلت له يا ريت و بالفعل اتصلت بالكابتن إيهاب جلال و قلت له لو مش محتاجنى معاك مفيش مشاكل و لكن توقفت المفاوضات بسبب تامر النحاس وقتها ..

ـ مش هشيل ليله مش ليلتى كما حصل معى فى السابق ، لكن النادي الإسماعيلي على رأسي و على كتافي و خيره عليه و شرف لى ..

ـ في إسماعيلية مفيش أكبر من الكابتن على أبو جريشة و الكابتن عماد سليمان و رغم كده اتشتموا بسبب حاجات ملهمش ذنب فيها ..

ـ جماهير النادي الإسماعيلي هم صحاب النادي الإسماعيلي و هم الداعم و المساند للنادي و هما اللى هيعدوا بالنادي من محنته السنادى ( جماهير الإسماعيلى عليكم بالوقوف وراء النادي الإسماعيلي ) ..

ـ اطردت من بيتى و على الجميع أن يعرف الحقيقة أن اتهمت في اشياء غريبه لم يحدث منها أى شئ أنا لم أحمل أى ضغينة لأحد من مجلس الإدارة ..

ـ على الجميع التكاتف والتعاون مع بعض و الإجتماع على عودة النادي الإسماعيلي ، و ده مش صعب إحنا ورا النادي في أى وقت و هكون أول من يحضر لو احتجونى ..

ـ رؤيتى كمحلل أن اللاعبين الموجودين في الفريق و الكابتن حمد ابراهيم ممكن يقدموا موسم جيد جداً و ده ظهر في الملعب ، ممكن يكون في سلبيات و ده شئ سهل يتعالج في اللى جاى ..

ـ الفريق كان الأفضل في الأربع مباريات التى لعبها في الدورى و لكن ينقص الفريق لاعب خط الوسط اللى بيحرك الفريق من الدفاع للهجوم ، و كان من السهل الفوز على غزل المحلة و سيراميكا و إنبي و لكن سوء التوفيق كان له دور كبير ..

التعليقات مغلقة.