بلاغ من مواطن فاقوسى إلى وزير الصحة : ” فساد ” و” بلطجة” ب ” مكتب صحة فاقوس “

وجه المواطن أحمد سعيد من مركز فاقوس بمحافظة الشرقية بلاغ عاجل الى وزير الصحة يتهم فيه مسؤولين بمكتب صحة فاقوس بالمجاملة لأشخاص علي حساب آخرين وحرص المواطن على توجيه رسالته عبر صفحته على موقع التواصل الاجتماعي فيس بوك وجاء نصها : سؤال للسيد المحترم رئيس مجلس المدينة والاستاذ وكيل اول وزارة الصحة اللي نايم في العسل نوم ومش هقول عليه دكتور والاستاذ محافظ الشرقية ؟
ممكن ياحضرات يامحترمين يامسئولين في مواقعكم الوظيفية اللي اشك انها لها لزمة اساسا

بقالي اكتر من اسبوع بحاول اثبت ابني بمكتب صحة فاقوس واستخرج له شهادة ميلاد مش عارفين من الموظفين بما فيهم دكتور المكتب او مدير المكتب مش هتفرق الغير مسئول

والموظفة اللي في مكتب صحة فاقوس بتستقبل طلبات المواطنين اللي اكيد تلاقيها شغالة واسطة وبتشتم المواطنين وبترهبهم ، وكل يوم نقف بالساعات وتيجي قبل انتهاء مواعيد العمل الرسمية بساعة تبلغ الناس السيستم وقع !! هو لسه الحركات والاساليب دي شغالين بيها !!

ولحد امبارح واقفين بالاربع ساعات انتظار ونيجي وقت مانوصل الدور تقولنا السيستم وقف وبنخلص الساعة اتنين فوتوا علينا بكرة ، اصل انا مش هشتغل اكتر من كده انا سايبه عيالي وبيتي !!

ويجي يدخل مستشار مااعرفش منين ….. هتلاقيه مستشار ….سد زيه زي دكتور المكتب اللي قام من مكانه يجري يستقبله واتفضل يامعالي المستشار واهلا وسهلا وكانت الساعة اتنين الا عشرة والدكتور بنفسه اللي خلصلة طلبه عالجهاز
طيب ماهو السيستم طلع شغال اهه وبتشتغلوا الساعة اتنين عادي